رسالة الي أبي.

بابا،

وحشتني اوي يا حج عجة. ايوه، حج عجة. الأسم curtesy of سيف الي قارفني طول النهار والله. عامل ايه؟ مبسوط؟ يا رب تكون مبسوط عشان أنا بدعيلك كتير أوي. 

عارف لما تربط حد بأغنية؟ أهو أنت يا بوب أول واحد يحصلي معاه كده. فاكر لما كنا بناكل و الراديو شغال و جات ألف ليلة و ليلة؟ كانت اول أغنية للست أحبها، غالباً عشان كانت بتيجي في أعلان في رمضان ساعتها، و أنت عارف أنا كنت دايماً قدام التليفزيون! قعدنا نغني سوا كلنا، وأنتَ عارف الكلمات كلها و أنا يا دوب كام كلمة من الي سمعتهم في الأعلان، كنت مبسوط أوي عشان أنا و سيف كنا بنغنيها معاك بالحب كده. المهم، من ساعتها وكل متوحشني اوي بسمعها. يمكن عشان بحس أنك لسه قريب مني، أو يمكن عشان بنسي الواقع و برجع ليومها. مش عارفة ليه، المهم أني بسمعها و خلاص.

أكثر حاجة بتخليني فرحانة دلوقتي هي لما حد يجي يتكلم عنك يا بابا، بتبسط اوي اوي يعني حتي لو حاجة مش مهمة جدا يعني بس بتبسط. 

وحشتني عشان مفيش حد بينادي عليا ب’لومي’ زي زمان لما كنت تيجي من برة عشان أجي أحضنك او لما يجي فيلم/مسلسل أنت عارف أني بحبه. 

وحشتني عشان كنت اول حد يمسك أيدي و يحسسني أن كل حاجة كويسة و أنك طول ما أنت جنبي عمر ما حاجة وحشة ممكن تحصل. 

وحشتني عشان كان حضنك أكتر مكان بحس فيه بالأمان، عشان مهما حصل كنت بتشجعني، عشان دايماً كنت بتزعق لسيف لما يضايقني…

سيف، أنا عارفك أنك مبسوط منه، و أنا كمان والله. بقي أقرب حد ليا و بيحاول يعملي كل حاجة أنا و ماما عايزينها عشان يريحنا، زيك تمام. 

ماما، أكتر حد بيدعيلك، أظن أنك عارف بس اهو. ماما بتحاول متخليناش نحس بحاجة هي حاساها، لكن بنعرف. بنعرف لما بتقاعد تحكي عنك طول الوقت حكايات عشناها و سمعناها مليون مرة. بنعرف لما بن-group hug- و تبقي هي أكتر حد محتاجاه مش أحنا. بنعرف لما نروح نقولها قد ايه وحشتنا. سنتين كتير اوي.

معلش طولت عليك، المهم تكون كويس و مبسوط. أحنا تمام متخافش، أنت سايب وراك راجل و اتنين strong ‏independent women!

بنتك،

لومي.

     

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s